ဘုရားသာသနာနှင့် လူ့အဖြစ်

အကြင်သတ္တ၀ါတို့အား ရုပ်, နာမ်တရားတို့ကို ငါ၏ အတ္တ- ဟု ထင်မြင်ခိုင်မြဲ စွဲယူမှောက်မှားသော သက္ကာယဒိဋ္ဌိတရားသည် ရှိနေ၏။ ထိုသတ္တ၀ါတို့အား ရှေးရှေးသော အတိတ်ဘ၀, အတိတ်ကမ္ဘာ, အတိတ်သံသရာတို့၌ မိုက်ခဲ့သမျှ, မှားခဲ့သမျှသော ဒုစရိုက်ကံပေါင်း အမှုဟောင်းအနန္တတို့သည် ရင်တွင်း, စိတ်နှလုံးတွင်းမှာ အစဉ်အမြဲတစ်လုံး တစ်ခဲတည်း ပါရှိ၍နေကုန်၏။

ထိုဒုစရိုက်ကံပေါင်း ကျွေးဟောင်း, မြီဟောင်း, အမှုဟောင်း ကြီးတွေ အစဉ်အမြဲ တစ်လုံးတစ်ခဲတည်း ပါရှိ၍ နေကြသည့်အတွက် ဘ၀ဂ်ဘုံမှာ ဗြဟ္မာကြီးပင် ဖြစ်ကြကုန်သော်လည်း မိမိ, မိမိတို့၏ စိတ်နှလုံးမှာ အခိုင်အမြဲ အကြပ်အတည်း ဖွဲ့ချည်တည်ရှိကုန်သော အပါယ်ကြိုး, အပါယ်လွန်၊ အ၀ီစိကြိုး, အ၀ီစိလွန် တန်းလန်းတွေ အနန္တ တို့နှင့်သာ နေကြကုန်၏။

ထို့အတူ ထိုသတ္တ၀ါတို့အား ထိုသက္ကာယဒိဋ္ဌိ ရှိနေသမျှ ကာလ ပတ်လုံး အနာဂတ်ကာလ ကျင်လည်ရာဘ၀တို့၌ တွေ့ရှိသမျှသော အမိုက်မျိုး အနန္တတို့ကို မိုက်မဲကြရန်၊ အမှားမျိုးအနန္တတို့ကို မှောက်မှား ကြရန် ကိလေသာအညစ် အမြစ်ဗီဇ အနန္တတို့သည် ရင်တွင်း စိတ်နှလုံး တွင်းမှာ အစဉ်အမြဲ တစ်လုံးတစ်ခဲတည်း ပါရှိ၍ နေကြကုန်၏၊ အကြင် အခါ၌ အနတ္တလက္ခဏာရေးကို ကောင်းစွာထင်မြင်သဖြင့် သက္ကာယဒိဋ္ဌိ သည် အပြီးတိုင်ချုပ်ငြိမ်းခြင်းသို့ ရောက်လေ၏၊ ထိုအခါ၌ ထိုအတိတ်

ဒုစရိုက် ကံပေါင်း အမှုဟောင်းအနန္တတို့သည်လည်းကောင်း၊ နောက် နောက် အနာဂတ်ကာလတို့၌ ပါပဒုစရိုက် အမိုက်မျိုးဗီဇ အနန္တ၊ အမှောက်

အမှားမျိုးဗီဇ အနန္တတို့သည်လည်းကောင်း၊ တစ်ပြိုင်နက် တစ်ချက်တည်း

အပြီးတိုင် ကွယ်ပကြလေကုန်၏။

ထိုသူမှာ အပါယ်သံသရာကြီးလည်း အနမတဂ္ဂ ဘ၀သံသရာ ကာလပတ်လုံးအပြီးတိုင်ကျွတ်လွတ်လေ၏၊ အပါယ်သံသရာသည်သာ မဟုတ်သေး၊ ရပ်ပြစ်ရှစ်ပါးလည်း အပြီးတိုင်ကျွတ်လွတ်လေ၏၊ ဘုန်းတန် ခိုး စည်းစိမ် အလိမ်အမာ ယုတ်ညံ့စွာသော လူ့ဇာတိမျိုး၊ နတ်ဇာတိမျိုး၊ ဗြဟ္မာဇာတိမျိုးလည်း အပြီးတိုင်ကျွတ်လွတ်လေ၏၊ ဘုန်းတန်ခိုး စည်းစိမ် အလိမ်အမာ ကြီးမြတ်စွာသော လူအရိယာဇာတိ, နတ်အရိယာဇာတိ, ဗြဟ္မာအရိယာဇာတိတို့သာ ကျန်ရှိကုန်တော့သည်။

ဤသည်ကား သက္ကာယဒိဋ္ဌိသည် ခပ်သ်ိမ်းသောအတိတ် ဒုစရိုက်ကံအနန္တ

ပစ္စုပ္ပန်ဒုစရိုက်ကံအနန္တ, အနာဂတ်ဒုစရိုက်ကံအနန္တတို့၏ အချုပ်အခြာ ဖြစ်ပုံတည်း။ သာသနာပ၌ ဖြစ်ကြကုန်သော ခပ်သိမ်းကုန်သော လူပညာရှိ, နတ်ပညာရှိ, ဗြဟ္မာပညာရှိအပေါင်းတို့သည် ထိုဒုစရိုက်ကံတို့၏ ရှေ့ အလား နောက်အလားတို့ကို မိမိတို့Óဏ်စွမ်းရှိသမျှ မြော်မြင်နိုင် ကြကုန်၏၊ အချုပ်အခြာဖြစ်သော အမှုသည်ရင်းကိုမူကား ပိတ်ပိတ်သား မသိနိုင်ကြ မမြင်နိုင်ကြလေကုန်၊ မြတ်စွာဘုရား အလောင်းတော်ကြီး များမှသော်လည်း မသိနိုင်ကြ၊ မမြင်နိုင်ကြကုန်၊ ဗောဓိပင်နှင့် ရွှေပလ္လင်ပေါ်သို့ရောက်၍ ဘုရားဖြစ်ခါနီးမှပင် သိကြ မြင်ကြကုန်သည်။

ထိုလူ, နတ်, ဗြဟ္မာ ပညာရှိအပေါင်းတို့သည်မူကား သာသနာ နှင့် တွေ့ကြုံကြမှ ထိုဒုက္ခ၀ဋ်ကြီး အပြီးတိုင် လွတ်ငြိမ်းနိုင်ကြမည်-ဟု သိမြင်နိုင်ကြကုန်သည်ဖြစ်၍ သိနိုင်သမျှသော ဘ၀တိုင်း, ဘ၀တိုင်းတို့၌ ဘုရားကိုသာ မျှော်ကြရကုန်၏၊ ဘုရားတရားတော်ကိုသာ မျှော်ကြရ ကုန်၏၊ ဘုရားသာသနာတော်ကိုသာ မျှော်ကြရကုန်၏၊ ''ဗုဒ္ဓုပ္ပါဒေါ ဒုလ္လဘော''-ဟူသော အက္ခရာတံဆိပ်ကြီးကို ကမ္ဘာပေါ်၌ ထုတ်ဖော် ကြော်ငြာ၍ ထားကြကုန်၏။

ဘုရားသာသနာနှင့် တွေ့ကြုံကြသောအခါ၌ ဇောတိကသူဌေး, ဇဋိလသူဌေး စသောသူတို့သည်ပင်လျှင် သူဌေးစည်းစိမ်ကိုပစ်၍ ဘုရား သာသနာကို အရအမိ တွယ်ကြရကုန်၏၊ ဘဒ္ဒိယမင်း, ပက္ကုသာတိမင်း, မဟာကပ္ပိနမင်း အစရှိသော သူတို့ပင်လျှင် ထီးနန်းစည်းစိမ်ကို စွန့်ပစ်၍ ဘုရားသာသနာကို အရအမိ တွယ်ကြရကုန်၏၊ လေးကျွန်း လုံးကို အစိုးရသော စကြာမင်းကြီးတို့သည်လည်း လေးကျွန်း စည်းစိမ်ကို စွန့်ပစ်၍ ဘုရားသာသနာကို အရအမိ တွယ်ကြရကုန်၏။

အဘယ်ကြောင့်နည်းဆိုသော် ထိုသူဌေးစည်းစိမ်, မင်းစည်းစိမ် တို့သည် ပြဆိုခဲ့ပြီးသော သက္ကာယဒိဋ္ဌိ အမှုးရှိသော အတိတ် အနာဂတ်

ဒုစရိုက်ကံ အနန္တတို့၏ အပင်းအသင်းတို့သာ ဖြစ်ကြကုန်၏၊ ထိုသူဌေး စည်းစိမ် မင်းစည်းစိမ်တို့သည် မသေမီကာလ၌သာ မြင်တိုင်းမြင်တိုင်း ကြည်လင် ရွှင်လန်းဖွယ် ဖြစ်ကုန်၏၊ သေမည်ပြုသော အခါ၌မူကား မမြင်ဝံ့, မရှုဝံ့တို့သာတည်း၊ မြင်မိ ရှုမိမည်ကို အလွန်ကြောက်ကြရကုန်၏၊ မြင်၍ ရှု၍ သေလျှင် အပါယ်သို့ကျရကုန်၏။

ဘုရားသာသနာကို အရအမိ တွယ်နိုင်ကုန်ကြသော သူတို့ သည်မူကား အနမတဂ္ဂသံသရာ၌ ဖြစ်လေရာရာ အစဉ်အမြဲ ပါရှိ၍နေကြ ကုန်သော သက္ကာယဒိဋ္ဌိ အမှူးရှိသော ဒုစရိုက်ကံ အနန္တတို့၏ အပြီးတိုင် ချုပ်ငြိမ်းခြင်းဟူသော အတုမရှိ ကြီးမြတ်လှသော ချမ်းသာသုခကြီးကို

ရကြလေကုန်၏၊ ဤဘ၀နောက်၌ အပါယ်သံသရာကြီးမှလည်းကောင်း၊ မိစ္ဆာဒုစရိုက် အမိုက်ခပ်သိမ်းတို့မှလည်းကောင်း အမျိုး၏ ယုတ်ညံ့ခြင်း, အနွယ်၏ယုတ်ညံ့ခြင်း, အဆင်းသဏ္ဏာန် ကြင်အင်လက္ခဏာ၏ ယုတ်ညံ့

ခြင်း, စည်းစိမ်ဥစ္စာ၏ ယုတ်ညံ့ခြင်း, အကျင့်အာစာရ၏ယုတ်ညံ့ခြင်း, အသိအလိမ်မာ၏ ယုတ်ညံ့ခြင်း အစရှိသော ယုတ်ညံ့ခြင်း ခပ်သိမ်းတို့မှ လည်းကောင်း အပြီးတိုင်လွတ်ငြိမ်းခွင့်ကို ရကြလေကုန်၏။

ဘုရားသာသနာတော်ကို အရအမိ တွယ်တာမှု ဆိုသည်ကား- လက္ခဏာရေးသုံးပါးကို ကြိုးစားအားခဲ မြဲစွဲ အားထုတ်သဖြင့် ရုပ်နာမ်ခန္ဓာ တရားတို့ကို ငါ၏ကိုယ်, ငါ၏အတ္တ-ဟု ထင်မြင်စွဲလမ်း၍ရှိနေသော သက္ကာယဒိဋ္ဌိ၏ ချုပ်ငြိမ်းခြင်းသို့ရောက်၍ မြတ်စွာဘုရား၏ သားတော် အစစ်, သမီးတော်အစစ်, အရိယာဇာတိအဖြစ်သို့ ရောက်သည်တိုင် အောင် တွယ်တာမှုကိုဆိုသတည်း။

ဤကဲ့သို့ မြတ်စွာဘုရား၏ သားတော်အစစ်, သမီးတော်အစစ်, အရိယာအဖြစ်သို့ ရောက်ကြကုန်သော သူတို့သည်ကား ယခုဘ၀မှစ၍ ဖြစ်လေရာရာ ဘ၀များစွာ ကမ္ဘာအဆက်ဆက်တို့၌ ဓမ္မစက္ခု အမြဲပါ သဖြင့် သာသနာပသောဘ၀, သာသနာပသောကမ္ဘာ, သာသနာပသော အခါဟူ၍ တစ်ရံတစ်ဆစ်မျှ မရှိကြကုန်ပြီ၊ ထိုသူတို့အား အဆုံးစွန် နိဗ္ဗာန်

ရသည်တိုင်အောင် ပရိယတ္တိသာသနာတော်မြတ်ကြီးလည်း အစဉ်အမြဲ ပါရှိလေတော့သည်၊ ပဋိပတ္တိသာသနာတော်မြတ်ကြီးလည်း အစဉ်အမြဲ ပါရှိလေတော့သည်၊ ပဋိဝေဓသာသနာတော်မြတ်ကြီးလည်း အစဉ်အမြဲ ပါရှိလေတော့သည်၊ မိမိတို့၏အတွက်နှင့်မူကား နောက်နောက် သာသနာ ကို မျှော်ဖွယ်ကိစ္စ မရှိကြကုန်ပြီ၊ ဘုရားကိုမျှော်ရသောဒုက္ခ, သာသနာ တော်ကိုမျှော်ရသော ဒုက္ခမှ အရှင်းလွတ်ငြိမ်းကြလေကုန်၏။

လယ်တီဆရာတော်ကြီး၏ ကမ္မဋ္ဌာန ဒီပနီမှ ကူးယူဖော်ပြပါသည်။