Tuesday, February 27, 2018

ဘုရားနှင့် သာသနာကို ကြုံတွေ့ခဲပုံ

February 27, 2018 Leave a Reply

ဘုရားပွင့်ရာ စကြ၀ဠာသည်ကား ဤစကြ၀ဠာတစ်ခုသာရှိ၏၊ စကြ၀ဠာ အနန္တကျန်ရှိ၏၊ သတ္တ၀ါတို့မည်သည် ဤသူ ဤသူတို့ကား ဤစကြ၀ဠာ

၌သာ အမြဲကျင်လည်ကုန်သည်ဟူ၍ မရှိကုန်၊ ဤဇမ္ဗူဒီ ပါကျွန်းမှာ ဘ၀များစွာ ကျင်လည်ကြသော သူတို့သည်၊ ဤသူ ဤသူ တို့ကား ဤမြို့ ဤရွာတွင်သာ အမြဲကျင်လည်ကုန်သည် ဟူ၍ မရှိကုန် သကဲ့သို့တည်း၊ မြင့်လှစွာသော ကောင်းကင်၌ ၀ဲ၍နေကြကုန်သော လင်းတငှက်တို့သည် မိမိတို့၏ အောက်၌ အသောင်း အသိန်းမကသော လယ်ကွက် ယာကွက်တွေကို မြင်ကြလေဘိသကဲ့သို့ အထက်ဗြဟ္မာပြည်၌ နေကြကုန်သော ဗြဟ္မာတို့သည် မိမိတို့အောက်၌ များစွာသော စကြ၀ဠာ တွေကို ပကတိမျက်စိနှင့်ပင် မြင်နိုင်ကြကုန်၏၊ ဗြဟ္မာပြည်တို့သည် စကြ၀ဠာ အနန္တပေါ်တွင် တပြင်တည်း တည်ရှိကုန်၏၊ ထိုထိုဗြဟ္မာ ပြည်မှ စုတေကြကုန်သောအခါ မြင်ရှိ၍နေရာ စကြ၀ဠာတို့တွင် ရောက်မိ ရောက်ရာ ရောက်ကြလေကုန်၏၊ ရောက်မိရောက်ရာ စကြ၀ဠာ၌ နိကန္တိ အခြေစိုက်သဖြင့် ထိုစကြ၀ဠာ၌ပင် ဘ၀များစွာ ကမ္ဘာများစွာ ကျင်လည်ရပြန်၏။

ဤနည်းအတူ အဆင့်ဆင့် လွင့်ပါး၍နေကြကုန်၏၊ နိယတဗျာ

ဒိတ်ရပြီး အလောင်းတော်ကြီးများသည်သာ ဤစကြ၀ဠာ၌ မြဲကြရ၏၊ ဘုရားပွင့်ခိုက် ကြုံကြိုက်ကြမူကား ဤစကြ၀ဠာမှဝန်းကျင် စကြ၀ဠာ ပေါင်း တစ်သောင်းအတွင်းရှိကြကုန်သော နတ်, ဗြဟ္မာတို့သည် ကျွတ်နိုင် ကြကုန်၏၊ ပြင်ပစကြ၀ဠာရှိ နတ်, ဗြဟ္မာတို့ကား ကျွတ်ခြင်း မရှိကြကုန်၊ လူဖြစ်ခဲ့မူကား ဤဇမ္ဗူဒီပါကျွန်းသူတို့သာ ကျွတ်ခွင့်ရကြကုန်၏၊ သုံးကျွန်းသူ, တစ်ပါးစကြ၀ဠာသူတို့ကား ကျွတ်ခွင့် မရကြကုန်။

ဤသို့သောအလားများကို ထောက်ထားမြော်မြင်ကြသဖြင့် တစ်ယောက်, တစ်ယောက်သော သတ္တ၀ါအား လူ့အဖြစ်ကို ရခဲမှုထက် ဘုရားပွင့်ရာ သာသနာ၌ တွေ့ကြုံရန်အမှုသည် အသိန်းအသန်းမက

သာလွန်၍ ခဲယဉ်းလှလေသည်ဟူ၍လည်းကောင်း၊ ကမ္ဘာပေါ်၌ ဘုရားပွင့်မှု ကြုံကြိုက်ခဲသည်ထက် တစ်ယောက်, တစ်ယောက်သော သတ္တ၀ါ၏ ဘုရားသာသနာနှင့် ကြုံကြိုက်ရန်အမှုသည် အဆ အသိန်း အသန်းမက သာလွန်၍ ခဲယဉ်းလှသည်ဟူ၍လည်းကောင်း မှတ်ယူယုံကြည်ကြကုန်ရာသည်၊ ပွင့်ခဲလှစွာသော ဘုရားပေါင်းဆူရေ အသိန်း အသန်းပင် ပွင့်သော်လည်း စကြစဠာတစ်ပါး၌ လွင့်ပါးကျင်လည်၍ နေခိုက် ကြုံချေက တွေ့ကြုံမည်ဝေးစွ သတင်းမှ မကြားရ ဟူလိုသည်။ ဤစကြ၀ဠာမှာ ကျင်လည်ခိုက် ကြုံကြိူက်သော်လည်း ဘုရား သာသနာနှင့် အလွန်တွေ့ကြုံခဲလှ၏၊ ဘုရားမပွင့်သော ကမ္ဘာတို့နှင့် ကြုံကြိုက်ပြန်လျှင်လည်း ဘုရားသာသနာနှင့် မတွေ့ရ၊ ဘုရားပွင့်သော ကမ္ဘာပင်ဖြစ်သော်လည်း ဘုရားသာသနာတည်ထွန်းရာ ခဏသည် အလွန်တိုလှ၏၊ ကမ္ဘာအသက်ရှည်ပုံနှင့် ချင့်တွက်သော် မျက်တောင်တစ်ခတ် လျှပ်တစ်ပြက်မျှကဲ့သို့ ဖြစ်၏။

ဘုရားသာသနာ တည်ဆဲအခါ၌ မိမိက တိရစ္ဆာန်ဘ၀တို့၌ နစ် မျော၍နေခိုက် ကြုံကြိုက်သဖြင့် တစ်သာသနာလွန်၍ သွားပြန်၏၊ သာသနာကွယ်ပ၍ မှောင်အတိဖြစ်သောအခါမှ လူ့ဘ၀သို့ရောက် လာ၏၊ နောင်ကမ္ဘာကြီးများစွာလွန်၍ ဘုရားသာသနာ တစ်လှည့် ပေါ်ခိုက် ကြုံပြန်သော် မိမိက ငရဲဘ၀တို့၌ နစ်မျော၍နေခိုက် ကြုံကြိုက် သဖြင့် တစ်သာသနာလွန်၍ သွားပြန်၏၊ ဤနည်းအတိုင်း ဘုရား သာသနာ ပေါ်ရှိခိုက် မိမိက ရပ်ပြစ်ရှစ်ဌာန၌ ကြုံကြိုက်၍နေသဖြင့် ဘုရားပေါင်း အသိန်းအသန်းပင် ပွင့်သော်လည်း တစ်လှည့် တစ်ကြိမ်မျှ တွေ့ကြုံခွင့်မရ အလွန်တရာ ခဲယဉ်းလှလေသတည်း။

အာဠာရ ရသေ့သည် အသေစော၍ ၇-ရက်မျှကွာသည့် အတွက်

တစ်သာသနာ ပြီးလေ၏၊ ဥဒက ရသေ့သည် ရှေ့သန်းခေါင် နောက် သန်းခေါင်မျှ ကွာသည့်အတွက် တစ်သာသနာပြီးလေ၏၊ ထိုရသေ့ တို့သည် အရူပဘုံ၌ ဖြစ်ကြလေကုန်၍ လူ့ဘုံတစ်ဖန် ရောက်ပြန် သောအခါ သုညကမ္ဘာကြီးတွေ အတွင်း၌ ကျရောက်ကုန်လတ္တံ့၊ တစ်သန်း ခေါင်မျှ ချော်သည့်အတွက် ဤမျှလောက် တာသွား၏။

ဤသို့လျှင် လွန်ခဲ့ပြီးသော အနမတဂ္ဂ သံသရာ၌ ဘုရားပေါင်းဂင်္ဂါသဲလုံးမျှမက ပွင့်ကုန်ကြရာ ဘုရားအသိန်း အသန်းတွင် တစ်ဆူ ကျကိုမျှ လှလှမတွေ့ဖူးကြသည့်အတွက် ယနေ့ထက်တိုင် သံသရာ၌ နစ်မွန်းလျက် ရှိနေကြကုန်သည်၊ ဤစကား၌ ''လှလှ မတွေ့ကြ'' ဆိုသည် ကား ကျွတ်လွတ်လောက်အောင်လည်း မတွေ့ဖူးကြ၊ နိယာတဗျာဒိတ်

ရလောက်အောင်မျှလည်း မတွေ့ဖူးကြသည်ကို ဆိုလိုသည်။

ဤသို့ လှလှမတွေ့ကြကုန်မူ၍ ယောင်တီးယောင်တ အတုအပ တွေ့ကြုံကြကုန်သော သူတို့သည်ကား တွေ့ရှိသော ဘုရားသာသနာကို ကောင်းစွာ မတွယ်နိုင်ကြသည့်အတွက် နောက်ဘုရားကို အားကိုး ယောင်ယောင်၊ နောက်ဘုရားမှာမှ နေရာကျလိမ့်ယောင်ယောင် ရှောင်သာတိမ်းသာ နေသာထိုင်သာ ရှိကြရုံ စိတ်ဖြစ်ကြမြဲပေတည်း။

ထိုသို့ ဖြစ်ကြသော်လည်း ထိုနောက်ဘုရားနှင့် လွဲနိုင်ရန် ဘုရားတို့သည် မိမိတို့ကိုယ်တွင်း၌ အသင်္ချေအနန္တ ပါရှိလျက်နေကြ ကုန်သောကြောင့် ထိုနောက်ဘုရားတစ်ဆူကို မဆိုထားဘိဦး၊ နောက် နောက် ဘုရားပေါင်း အသိန်းအသန်းကိုပင် လွဲကြပြန်ကုန်ရာ၏၊ ယခု အခါ၌လည်း တွေ့ရှိ၍နေသော ဤဘုရားသာသနာကို စွန့်စွန့် စားစား မတွယ်တာနိုင်ကြသည့်အတွက် နောက်မေတ္တေယျဘုရားကို အားကိုး ယောင်ယောင်- နောက်မေတ္တယျဘုရားမှာမှ နေရာကျလိမ့်မည် ယောင်ယောင် ရှောင်သာတိမ်းသာ နေထိုင်သာ ဓမ္မတာလမ်းရိုးကြီးအတိုင်းစိတ်ဖြစ်မြဲ ဖြစ်ကြကုန်၏။

နောက်မေတ္တေယျ တစ်ဆူကို မဆိုထားဘိဦး၊ နောက်နောက် ဘုရားပေါင်း အသိန်းအသန်းကိုပင် လွဲနိုင်ကြရန် အခွင့်အလမ်းကို မထင် မမြင်နိုင်ကြလေကုန်၊ အခွင့်အလမ်းတွေ ဆိုသည်ကား--နခသိခ သုတ္တန်ဒေသနာတော်

နည်းအားဖြင့်လည်းကောင်း၊ ကာဏကစ္ဆပေါပမသုတ္တန်ဒေသနာတော် နည်းအားဖြင့်လည်းကောင်း၊ အဘိဓမ္မာ ညာဏ၀ိဘင်းအဋ္ဌကထာကြီး၌ ပြဆိုအပ်သော နည်းအားဖြင့်လည်း ကောင်း သိအပ်သော အခွင့်အလမ်းစုပေတည်း။

ဤမှတစ်ပါးလည်း မိမိသန္တာန်၌ ယခုရှိနေကြသော သဒ္ဓါ, ပညာ အစရှိသော ကုသိုလ်တရားတို့၏ နှုံ့နှေးမှု၊ လောဘ, ဒေါသ, မောဟ, မာန, ဒိဋ္ဌိ အစရှိသော အကုသိုလ်တရားတို့၏ ထက်သန်မှု အစရှိ သည်ဖြင့် သိအပ်သော အခွင့်အလမ်း အလွန်များပြား၏၊ ဤသည်ကား မနုဿတ္တဒုလ္လဘထက်လည်းကောင်း၊ ကမ္ဘာမြေပေါ်၌ ဘုရားပွင့်ခွင့် ကြုံ ကြိုက်ခဲမှုထက်လည်းကောင်း တစ်ယောက်, တစ်ယောက်သော သတ္တ၀ါ၏ ဘုရားသာသနာနှင့် တွေ့ကြုံခဲမှုသည် အသိန်းအသန်းမက သာလွန် ၍ ခဲယဉ်းသည်ကို ပြဆိုသော အခန်းတည်း။

လယ်တီဆရာတော်ကြီး၏ ကမ္မဋ္ဌာန ဒီပနီမှ ကူးယူဖော်ပြပါသည်။